A xunta directiva do Breogán do Grove fixo onte pública a través dun comunicado de prensa a súa «satisfacción polo desenvolvemento da xornada A muller no piragüismo », organizada o pasado domingo pola entidade deportiva meca na Illa da Toxa.
O balance da iniciativa anima os responsables do Breogán a pensar en vindeiras edicións. «Estamos moi contentos polo nivel das poñencias e das persoas que as impartiron, xa que foi moi elevado, quedando o listón moi alto para vindeiras edicións destas xornadas». Ademais, «varias persoas participantes na xornada felicitaron o Breogán por esta iniciativa e animáronnos a seguir coa mesma, ou a facer unhas xornadas da muller no deporte en xeral».
A xornada do pasado domingo contou coa intervención, entre outras profesionais do ramo, da olímpica en Barcelona 92 Joaquina Costa, a diploma olímpico en Pekín 08 Teresa Portela, e de palistas de elite da zona como Ana Varela e María Pérez.
No Breogán queren agradecer o apoio dos colaboradores da xornada, a Fundación Deporte Galego da Xunta e os departamentos de Deporte e da Iguldade do Concello do Grove.
En breve los contactos recibirán en su correo electrónico un enlace a la noticia
Gracias por usar nuestros servicios
Revise sus datos y vuelva a intentarlo
Si se vuelve a producir un error, es posible que el servicio está momentáneamente no disponible. Inténtelo más tarde.
Disculpe las molestias. Gracias por usar nuestros servicios