Santiago | sábado 22 O Microfest trae a Compostela a Nach e Morodo

O festival de cultura urbana Microfest, celebra neste 2008 a súa sexta edición cun programa variado e heteroxéneo, tanto pola multitude de actividades que se desenvolverán ao longo da xornada (baile, djing, skate, graffiti?), como pola confluencia de artistas consolidados de gran éxito, como Nach e Morodo, con grupos que dan os seus primeiros pasos no mundo do hip hop en Galicia como Os Trasnos de Moscoso e Sucias Ratas.

O alicantino Nach leva máis de trece anos escribindo rimas e case dez percorrendo os escenarios españois. En maio de 2008 Nach decide unir as súas forzas

a Universal Music para lanzar ao mercado o seu quinto disco de estudio, Un Día en Suburbia. O álbum entrou directamente ao número 6 da lista de discos máis

vendidos na súa primeira semana, e polo momento logrou manterse durante 17 semanas nos Top de mellores vendas en España.

Morodo, acompañado da banda barcelonesa Ranking Soldiers, presentará novos temas en Microfest. Con influenzas do hip hop e do reggae. Conta

con 6 discos ás súas costas e un éxito rotundo que avalan a súa carreira musical. No ano 2001, co seu disco Ozmlstayl marcaba un punto e aparte na escena hip hop estatal. En 2004 editou o seu segundo disco Cosas que contarte no seu propio selo, Taifa Records, que supón un xiro cara ao reggae máis esencial. O

disco acompáñase dunha exitosa gira por España, Europa e América Latina, acompañado pola backing band barcelonesa Rankin Soldiers.